Lady Gaga ka zgjedhur një mënyrë të veçantë për të festuar ditëlindjen e partnerit të saj, Michael Polansky, i cili mbushi 42 vjeç. Këngëtarja publikoi në Instagram disa foto intime e të ngrohta, ku shihet duke e përqafuar dhe puthur të fejuarin.
Një prej momenteve më të veçanta është kapur në një fermë, ku çifti shkëmben një puthje ndërsa disa dhi i shikojnë nga pas, duke i dhënë skenës një prekje gazmore.
Në një tjetër foto, ata shfaqen përpara një food truck, ndërsa imazhi i fundit tregon tortën e ditëlindjes së Polansky-t me një qiri të vetëm.
Në dedikimin e saj, Gaga shkroi:
Gëzuar ditëlindjen, të dashurit tim. Shpresoj që 42-ta të jetë viti yt më i mrekullueshëm deri tani. Ke arritur shumë në këto vite dhe jam krenare për ty çdo ditë. Jam mirënjohëse për ditën kur erdhe në këtë botë, ishte dita më e veçantë.
Ajo përshkroi ditëlindjen si një ditë të preferuar me shëtitje të gjata, pak shi, buzëqeshje dhe tortë me çokollatë.
Madje, me humor, ajo shtoi:
Edhe kjo dhi e di sa e veçantë është dita jote për mua. Të dua.
Ky mesazh dashurie vjen pak javë pasi Gaga e nderoi publikisht Polansky-n gjatë marrjes së çmimit “Artist i Vitit” në MTV Video Music Awards 2025, duke treguar edhe një herë lidhjen e fortë mes tyre.
