Policia doli me një njoftim zyrtar në lidhje me lëndën plasëse të vendosur në një pallat në Elbasan. Paraprakisht mësohet se blutë kanë marrë pyetje edhe fqinjët e personit të cilit i përket apartamenti ku ndodhi shpërthimi rreth mesnate. Gjithashtu, policia ka marrë informacion të detajuar edhe për aktivitetin e familjarëve të familjes së pronarit të apartamentit.
Elbasan/Informacion paraprak
Rreth orës 00:05, të datës 01.05.2025, në lagjen “Partizani”, në katin e parë të banesës së shtetasit A.P., dyshohet se ka shpërthyer një sasi e vogël lënde plasëse, gjatë kohës që në banesë nuk ka pasur njeri. Si pasojë janë shkaktuar vetëm dëme materiale. Grupi hetimor nën drejtimin e Prokurorisë vijon veprimet me qëllim zbardhjen e rrethanave, identifikimin dhe kapjen e autorit/ve.
Në një tjetër zhvillim, një shpërthim me lëndë plasëse ka ndodhur në orët e para të mëngjesit të sotëm pranë një parkingu të një spitali në rrugën “Pjetër Budi”, Tiranë. Sipas njoftimit të policisë, lënda plasëse është vendosur në gomën e parë të një makine në pronësi të një shtetaseje me inicialet M.K. Fatmirësisht si pasojë e shpërthimit nuk ka të lënduar vetëm, dëme materiale. Vijon puna për kapjen e autorit/ve.
Njoftimi policor:
Rreth orës 03:55, të datës 01.05.2025, në rrugën “Pjetër Budi”, dyshohet se në parkingun në afërsi të një spitali, është vendosur një sasi e vogël e dyshuar lëndë plasëse në gomën e parë të automjetit në pronësi të shtetases M.K. Si pasojë ka vetëm dëme materiale. Grupi hetimor po punon për identifikimin dhe kapjen e autorit/ve si dhe sqarimin e rrethanave të rastit. Materialet procedurale iu referuan Prokurorisë, për veprime të mëtejshme.
