Për vite me radhë, ekspertët e shëndetit kanë folur për rëndësinë e një diete të pasur me fibra dhe ushqime të fermentuara për tretjen. Por një studim i fundit i publikuar në BMJ Nutrition e shtrin këtë ndikim shumë më thellë: shëndeti i zorrëve është direkt i lidhur me shëndetin e zemrës, sidomos në kontrollin e presionit të gjakut.
Studiuesit përdorën një indeks të ri, të quajtur DI-GM (Dietary Inflammatory Gut Microbiota), i cili mat ndikimin që një dietë ka mbi mikrobiomën e zorrëve. Çuditërisht, personat me dieta të pasura me fibra (si perime me gjethe jeshile, fruta, drithëra të plota) dhe ushqime të fermentuara (si kefiri, kimchi dhe kos) kishin 13% më pak gjasa për të zhvilluar hipertension. Duke analizuar të dhëna nga mbi 6,000 persona në katër shtete të ndryshme, studimi vërtetoi se:
Ushqimi nuk ndikon vetëm në mbipeshë apo diabet, por formëson mënyrën si trupi ynë përballon stresin dhe qarkullimin e gjakut.
Bakteret e dobishme në zorrë prodhojnë substanca të quajtura butyrate dhe propionate, të cilat kanë efekt anti-inflamator dhe ndihmojnë në zgjerimin e enëve të gjakut. Kjo përkthehet në qarkullim më të mirë dhe zemër më të shëndetshme. Për ata që duan të aplikojnë këto njohuri në jetën e përditshme, ekspertët këshillojnë të shtohen:
- Perimet e papërpunuara si lakra, brokoli, selino.
- Drithërat e plota si tërshëra dhe quinoa.
- Një dozë ditore të fermentuarish: kefir, kos pa sheqer apo turshi natyrale.
Ky zbulim është një hap i madh drejt mjekësisë preventive: nëse ushqehemi për të ushqyer bakteret e mira të zorrës, trupi vetë fillon të përmirësojë veten. Është një rikujtim që zgjidhjet për shëndet më të mirë shpesh janë në tavolinën tonë.
