Masturbimi, rrallë është objekt bisede apo edhe kërkimesh shkencore, veçanërisht kur përfshihen njerëz të moshuar, megjithatë duket se popullariteti i tij po rritet në mesin e atyre në të 60-at. Në një punim të botuar nga Shoqata e Menopauzës në nëntor, studiuesit thanë se gjetën një “prevalencë në rritje të masturbimit dhe përdorimit të lodrave seksuale” midis grave në SHBA të moshës 60 vjeç e lart, pasi pyetën rreth 3,000 prej tyre, në lidhje me jetën e tyre seksuale.
Autorët thonë se të moshuarit mund të jenë duke e zëvendësuar marrëdhënien seksuale me lodra seksuale dhe alternativa të tjera, pasi seksi penetrues bëhet më i dhimbshëm dhe i vështirë, për shkak të menopauzës ose problemeve me ereksionin.
Zbulimi vjen pasi një studim i veçantë ka treguar se gratë e rendisin masturbimin midis metodave të tyre të preferuara, për të menaxhuar simptomat e menopauzës.
Duke filluar biseda rreth seksualitetit në takimet rutinë të kujdesit shëndetësor, profesionistët e kujdesit shëndetësor mund ta destigmatizojnë temën dhe të ofrojnë udhëzime të vlefshme se si të arrihet një orgazmë, tha Monica Christmas, drejtoreshë mjekësore e asociuar në Shoqërinë e Menopauzës.
Christmas arriti në këtë përfundim pasi të anketuarat, “raportuan përdorim shumë më të madh të lodrave seksuale gjatë masturbimit, sesa gjatë seksit me një partner”, me ato që e bënin këtë, “dukshëm më shumë gjasa të raportonin gjithmonë ose pothuajse gjithmonë duke përjetuar orgazmë”.
Lodrat seksuale më të përdorura, ishin një vibrator i jashtëm ose një penis artificial/lodër penetruese.
Duke pasur parasysh përhapjen e masturbimit dhe përdorimit të lodrave seksuale, si dhe lidhjen e tyre me orgazmën, gratë e moshuara mund të përfitojnë nga informacioni nga profesionistët e kujdesit shëndetësor mbi këto tema, rekomanduan studiuesit në punimin e tyre.
