Të shpërndara mes shkëmbinjve koralorë dhe greminave nënujore, anijet e mbytura shekullore të Bermudës i ftojnë eksploruesit të zbulojnë mistere që shkojnë shumë përtej Trekëndëshit të famshëm. Më shumë se 300 anije besohet se ndodhen të shpërndara rreth barrierave koralore të arkipelagut, duke e kthyer këtë zonë subtropikale në një muze unik nënujore. Në shtratin e detit, disa struktura duken si kube të zeza të shpërndara pa rregull, por në të vërtetë janë formacione natyrore oksidi mangani që krijohen ndër vite rreth trupave të anijeve të fundosura.
Bermuda, një varg ishujsh në formë grepi peshku rreth 1 mijë kilometra larg brigjeve të Amerikës së Veriut, njihet për plazhet me rërë rozë, fushat e golfit dhe legjendën e Trekëndëshit misterioz. Megjithatë, pasuria e saj më e madhe gjendet nën ujë, ku qëndron një arkiv i heshtur i historisë detare. Nuk është ar i pastër, por oksidi i manganit ka një shkëlqim të çuditshëm, gati të mbinatyrshëm.
Ai përhapet rreth mbetjeve të anijes greke Pelinaion, një avullore mallrash që sot shtrihet e copëzuar vetëm pak metra nën sipërfaqe. Këtu, anijet nuk ruhen bukur nga koha. Nga rreth 44 anije të shënuara me bova, shumica ndodhen brenda kufijve të zhytjes rekreative dhe shumë prej tyre janë të arritshme edhe për notarë apo zhytës pa bombola.
