Ish-Zonja e Parë e SHBA-së, Michelle Obama, ka zbuluar një ndryshim të ri në pamjen e saj, duke treguar se ka bërë plot 10 shpime të reja në vesh brenda një seance të vetme.
Në episodin e së mërkurës, më 11 shkurt, të podcast-it të saj “IMO”, ajo ndau detaje rreth këtij vendimi gjatë një bisede me vëllain dhe bashkëprezantuesin e saj, Craig Robinson.
Ky i fundit bëri shaka duke thënë se kishte vënë re disa vathë të rinj tek motra e tij, ndërsa Michelle u përgjigj fillimisht me humor se ai nuk i kishte dalluar menjëherë ndryshimet.
Ajo shpjegoi se prej kohësh kishte menduar të bënte shpime shtesë në vesh, por nuk kishte gjetur momentin e duhur. Dikur kishte pasur një vrimë të dytë para se të bëhej nënë, por më pas kishte ndaluar së mbajturi vathë.
Sipas saj, të rinjtë sot eksperimentojnë më shumë me zbukurimet dhe krijojnë kombinime të ndryshme, duke i krahasuar me një lloj “galaksie” në vesh.
Michelle tregoi se fillimisht kishte planifikuar vetëm disa shpime, por gjatë procesit vendosi të shtonte edhe të tjera.
Ajo theksoi se procedura nuk ishte aspak e dhimbshme dhe se përvoja rezultoi më e lehtë nga sa e kishte menduar.
Me humor, ajo zbuloi gjithashtu se bashkëshortit të saj, Barack Obama, iu deshën plot tre ditë për të vënë re ndryshimin në pamjen e saj.
Michelle shtoi se tani ndihet më e lirë të eksperimentojë me stilin personal dhe të shprehë individualitetin e saj përmes detajeve të vogla në pamje.
