Mbrëmja e kaluar në shtëpinë e Big Brother VIP Albania ka tërhequr vëmendjen e publikut, teksa banorët Mateo dhe Brikena janë shfaqur shumë të afërt me njëri-tjetrin, duke nxitur reagime dhe diskutime të shumta mes ndjekësve të formatit.
Para se të shkonin në gjumë, dyshja është parë duke qëndruar pranë në shtrat, duke mbajtur duart dhe duke shkëmbyer ledhatime të lehta. Kjo sjellje ka bërë që fansat të komentojnë gjerësisht për një kimi të dukshme mes tyre dhe për mundësinë e një afrimiteti më të madh brenda shtëpisë.
Momenti nuk ka kaluar pa reagime as në rrjetet sociale, ku ndjekësit kanë vlerësuar afërsinë dhe komunikimin e tyre të ndjeshëm.
Ndërkohë, reagime kanë ardhur edhe nga familjarët e banorëve. Motra e Mateos, Kejsi, publikoi në Instagram një foto ku Mateo dhe Brikena shfaqen duke mbajtur duart, të shoqëruar me mesazhin: “Natën vetëm vëllait tim dhe Brikenës”, duke treguar mbështetjen e saj për afrimitetin mes tyre.
Gjithashtu, fansat kanë vënë re se familjarët e dy banorëve kanë nisur të ndjekin njëri-tjetrin në rrjetet sociale, një veprim që është interpretuar si një lloj “bekimi virtual” për lidhjen e mundshme mes tyre.
Afrimiteti mes Mateos dhe Brikenës po ndiqet me interes të madh si nga publiku ashtu edhe nga familjarët, duke shtuar më tej intrigën dhe emocionet në shtëpinë më të famshme në Shqipëri, ku çdo detaj i marrëdhënieve mes banorëve kthehet në temë diskutimi.
