Tregjet në SHBA kanë filluar të rriten sërish pas një hapje të luhatshëm të javës.
Investitorët amerikanë janë gati t’i përgjigjen çdo njoftimi për tarifat që do të dëgjojnë ditën e nesërme nga Shtëpia e Bardhë.
2 prilli “Liberation Day”, sic e ka quajtur presidenti amerikan, Donald Trump është dita kur SHBA do vendosë taksa reciproke për çdo shtet që tarifon aktualisht Shtetet e Bashkuara.
Tre bursat kryesore të tregut amerikan S&P 500, Dow dhe Nasdaq kanë patur, teksa situata duket e stabilizuar para “stuhisë Trump” ditën e nesërme
Bursat:
S&P 500: +0,44%
Dow: +0,18%
Nasdaq: +0,85%
Presidenti amerikan Donald Trump shpalli tarifat për industrinë e automjeteve në një konferencë për shtyp.
Të hënën, Trump tha se tarifat për makinat e importuara do të vendosen brenda javës, përpara tarifave hakmarrëse ndaj produkteve të tjera nga shumë partnerë tregtarë amerikanë, të cilat do të hyjnë në fuqi më 2 prill.
Shtëpia e Bardhë nuk dha asnjë sqarim për nivelin e tarifave për automjetet. Në shkurt, Trump tha se po konsideronte vendosjen e tarifave prej 25%.
Aksionet e prodhuesve të makinave amerikanë ranë sapo u njoftua se do të mbahej një konferencë për shtyp. Rreth orës 18:30 (me orën tonë) aksionet e Ford ranë me 1.55%, General Motors me 1.65%, Tesla me 6.63% dhe Stellantis me 2.01%.
