Së fundmi, ylli televiziv Kim Kardashian është kritikuar për promovimin në Instagram të një kriptovalute të patestuar nga kreu i Autoritetit të Sjelljes Financiare në Mbretërinë e Bashkuar (FCA). Charles Randell tha se Kardashian “u kishte kërkuar 250 milionë ndjekësve të saj të spekulonin mbi kripto -shenjat” duke promovuar një reklamë për Ethereum Max.
Ai e quajti atë “një shenjë digjitale spekulative e krijuar një muaj më parë nga zhvilluesit e panjohur”, gjatë një fjalimi në Simpoziumin Ndërkombëtar të Kembrixhit mbi Krimin Ekonomik. Kryetari i FCA tha se postimi i Kim Kardashian në Instagram, të cilin ai vuri në dukje se ishte shënuar si reklamë, mund të ketë qenë “promovimi financiar me auditorin më të madh në histori”.
Shenja e promovuar Ethereum Max, theksoi ai, nuk duhet ngatërruar me kriptomonedhën Ethereum.
Nuk mund të them nëse kjo shenjë e veçantë Ethereum Max është një mashtrim. Por ndikuesit e mediave sociale paguhen në mënyrë rutinore nga mashtruesit për t’i ndihmuar ata të hedhin shenja të reja në bazë të spekulimeve të pastra. Disa ndikues promovojnë monedha që rezultojnë se nuk ekzistojnë fare.
Rikujtojmë, se 40-vjeçarja së fundmi ka ndarë disa fotografi nga festa e veçantë që organizoi Kanye West. Në imazhet e postuara, dyshja ishin veshur me ngjyrë të zezë, ndërsa ndanin një përqafim në prapaskenë. Fotografitë u postuan vetëm një ditë pasi u raportua se Kanye kishte pranuar se e kishte tradhëtuar Kim gjatë turneut të tij në Saint Pablo 2016. Burime për mediat e huaja pohojnë se nuk është sekret që Kanye tradhëtoi Kim dhe madje “mburrej për marrëdhënie seksuale me grupet” ndërsa ai ishte në turne.
