Ylli hollivudian Jennifer Aniston ka patur një ndër ato mëngjese ku është zgjuar e lumtur dhe plot me energji pozitive.
Kjo ndodhi pasi aktorja 51-vjeçare mësoi se ishte nominuar në “Emmy Awards” në kategorinë “Artistja më e mirë në rol kryesor” për serialin e shumëpërfolur “The Morning Show”.
Kjo është hera e parë pas 11 vitesh që Aniston nominohet në ceremoninë e ndarjes së çmimeve. Gjatë gjithë karrierës së saj ajo ka marrë 7 nominime.
Me anë të një postimi në rrjetin social Instagram ajo u shpreh se ndihet e nderuar që do të jetë pjesë e eventit dhe tani i duhet të vendosë se çfarë maske do të veshë që të duket sa më bukur.
