Aktorja amerikane Dakota Johnson ka zbuluar së fundmi një preferencë të pazakontë për meshkujt, duke dhënë një paralajmërim të qartë: vraponi nga burrat që veshin shapka në publik.
Deklarata e 36-vjeçares erdhi gjatë një video-interviste për Vogue Germany, ku aktorja foli hapur për shijet e saj dhe preferencat në modë, duke dhënë një mesazh të qartë për fansat meshkuj.
Përveç kësaj, Dakota foli edhe për rutinën e saj të bukurisë, duke zbuluar një ritual të pazakontë të prerjes së flokëve.
Ajo ka mbajtur balluket karakteristike që nga fëmijëria dhe shpesh i prerë vetë, ndërsa shprehet se ndihet më shumë vetvetja me këtë stil.
Kam pasur balluke që kur isha fëmijë. I kam prerë vetë kur isha rreth katër vjeç dhe më kanë pëlqyer gjithmonë. Ndihem vetvetja me balluke dhe udhëtoj gjithmonë me gërshërë dhe më pëlqen të pi një martini ndërsa i shkurtoj
Johnson zbuloi gjithashtu rutinën e saj shumë të thjeshtë të kujdesit për flokët: nuk përdor produkte stilimi dhe i lë të thahen natyrshëm, duke shtuar se gjatë tapeteve të kuq i drejtohet stilistëve të njohur Mark Townsend dhe George Northwood.
Ajo gjithashtu vuri theksin tek ushqimi i shëndetshëm dhe hidrimi, që sipas saj ndihmon në rritjen e flokëve dhe thonjve.
Ky kombinim i thjeshtësisë në rutinën personale dhe preferencave të qarta në stilin e meshkujve e bëjnë Johnson një nga aktoret më të hapura dhe të veçanta në Hollywood.
