Palmarola nuk ka qytet dhe nuk ka rrugë. Nuk ka elektricitet, mbulim të telefonisë celulare, apo terminal trageti. Në shumicën e ditëve, mënyra e vetme për të arritur ishullin është me varka të vogla nga Ponza, vetëm pesë milje larg, përmes Detit Tirren. Palmarola ndodhet perëndim të Romës. Ndërsa forumet, shatërvanet dhe sheshet e Romës tërheqin miliona vizitorë, Palmarola mbetet pothuajse e panjohur në itineraret turistike.
Ajo që tërheq vizitorët që bëjnë udhëtimin nuk është infrastruktura apo komoditeti, por mungesa e të dyjave. Palmarola ngrihet thepisht nga uji me shkëmbinj vullkanikë, të ndarë nga shpella detare dhe gjire të ngushta. Ka një plazh të vetëm, një rrjetë shtigjesh për të shkuar brenda ishullit dhe pak shenja të zhvillimit modern. Për të arritur ishullin nga Roma, duhet të udhëtosh me tren deri në portin e Anzios, të marrësh tragetin për Ponza dhe pastaj të negociohet me një peshkatar ose pronar varke për transportin në të dy drejtimet.
Pa banorë të përhershëm, Palmarola është një destinacion i formuar më shumë nga moti, gjeologjia dhe stinët sesa nga turizmi. Rikujtojmë, se kryeqyteti i Qipros, Nikosia, është vlerësuar nga European Best Destinations për programin e saj gjithëvjetor të festivaleve dhe ngjarjeve kulturore. Falë fluturimeve me kosto të ulët, udhëtimet e shkurtra në qytetet evropiane janë bërë më të arritshme, duke i dhënë mundësinë udhëtarëve të eksplorojnë kulturën, muzeumet dhe trashëgiminë lokale, përpara se të shijojnë kuzhinën tipike.
