Protagonisti i miniserialit të Netflix “Adolescence” është përfolur gjerësisht si kandidati kryesor për rolin e Robinit në vazhdimin e shumëpritur të filmit “The Batman” me Robert Pattinson.
Regjisori Matt Reeves ka lënë të kuptohet se është i impresionuar nga talenti i Cooper. Pas premierës së “Adolescence”, ai deklaroi:
Shfaqja e tij më ndikoi vërtet
-duke ndezur zërat se adoleshenti mund të jetë partneri i ardhshëm i Kalorësit të Errët në ekran.
Ndërkohë, fansat e DC kanë shpërthyer në rrjete sociale, duke e quajtur aktorin e ri “Robini perfekt”.
Megjithatë, pavarësisht suksesit, Cooper vazhdon të mbajë një jetë të zakonshme. Ai është rikthyer në shkollë dhe ka theksuar se arsimi mbetet prioriteti i tij kryesor.
Madje, sipas mediave të huaja, ai ka refuzuar një rol në “Star Wars: Starfighter” përkrah Ryan Gosling dhe Amy Adams, vetëm që të mos humbiste një semestër shkollor.
Historia e tij po shërben si frymëzim për të rinjtë: një djalë i zakonshëm që me talent dhe përkushtim po pushton Hollywood-in, pa harruar rrënjët dhe përgjegjësitë e përditshme.
Nëse zërat për rolin e Robinit rezultojnë të vërtetë, Cooper pritet të hyjë në një kapitull të ri madhështor të karrierës së tij.
