Kolegji Zgjedhor ka rrëzuar sot ankimimin e Partisë Demokratike për qarkun e Lezhës, Kukësit dhe të Gjirokastrës, duke i cilësuar të pabazuar.
Ndërkohë, çështja nuk përfundon këtu për opozitën, pasi Kolegji Zgjedhor pritet të shqyrtojë ankimimet e paraqitura nga PD edhe për qarkun Korçë.
Partia Demokratike ka kërkuar shpalljen të pavlefshme të zgjedhjeve në këto qarqe, duke argumentuar se procesi ka qenë i manipuluar dhe jo transparent.
Krahas pavlefshmërisë, PD ka kërkuar edhe përsëritjen e zgjedhjeve në këto zona.
