Inteligjencën artificiale gjithnjë e më shumë njerëz po e përdorin si mjet në punën e tyre. Ndërkaq përdorimi i tepërt i saj po krijon probleme. Një studim i kryer nga Universiteti Carnegie Mellon në bashkëpunim me Microsoft, arriti në përfundimin se sa më shumë njerëzit të mbështeten në mjetet e Inteligjencës Artificiale, aq më pak mendim kritik kanë.
Studiuesit kërkuan 319 punonjës të njohurive, punët e të cilëve përfshijnë menaxhimin e të dhënave, të japin shembuj se si ata përdorën Inteligjencën Artificiale në punën e tyre. Më pas ata u pyetën se sa të sigurt ishin për rezultatin që iu dha dhe nëse mund ta kishin bërë vetë, pa ndihmën e Inteligjencës Artificiale.
Rezultatet ishin befasuese; në përgjithësi, punonjësit që i besonin plotësisht Inteligjencës Artificiale u zbulua se kishin më pak të menduar kritik, ndryshe nga ata që përpunuan rezultatet e AI. Përdorimi i Inteligjencës Artificiale gjithashtu u duk se pengonte kreativitetin, sipas studiuesve, me punëtorët që përdornin mjetet e AI që prodhonin “rezultate më pak të ndryshme për të njëjtën detyrë” krahasuar me ata që mbështeteshin në aftësitë e tyre njohëse.
Katër chatbotët kryesorë të inteligjencës artificiale po përmbledhin në mënyrë të pasaktë historitë e lajmeve, sipas hulumtimit të kryer nga BBC. BBC u dha përmbajtje ChatGPT të OpenAI, Copilot të Microsoft, Gemini të Google dhe Perplexity AI nga faqja e internetit e BBC-së, më pas u bëri pyetje rreth lajmeve. Ata thanë se përgjigjet që rezultuan përmbanin “pasaktësi të rëndësishme” dhe shtrembërime. Në një blog, Deborah Turness, drejtoreshë e BBC News, tha se inteligjenca artficiale solli mundësi të pafundme, por kompanitë që zhvillojnë mjetet “po luajnë me zjarrin”. “Ne jetojmë në kohë të trazuara dhe sa kohë do të kalojë para se një titull i shtrembëruar nga AI të shkaktojë dëm të rëndësishëm në botën reale”-pyeti ajo. Kompanitë e teknologjisë që zotërojnë chatbot-et janë kontaktuar për koment.
