Shumica e grave shtatzënave gërhasin. Nuk dihet saktësisht se sa është e përhapur, por shtatzënat më shpesh gërhasin në tremujorin e tretë të shtatzënisë. Por, përse ndodh kjo?! Mukoza e hundës është më e fryrë për shkak të nivelit të lartë të estrogjenit në trupin tuaj. Mund të gërhisni edhe nëse ju janë zënë hundët për shkaqe tjera si për shembull alergjia ose gripi. Problemet me gjumin dhe gërhitja do të jetë më e theksuar nëse shtoni shumë peshë gjatë shtatzënisë. Kjo ndodhë për shkak të sasisë së shtuar të indit në qafë dhe fyt.
Ndonjëherë, mund të zhvillohet apnea obstruktive gjatë gjumit. Nëse gërhisni me zë shumë të lartë dhe nëse ju duket se keni marrje fryme, konsultohuni me mjekun. Mund të ndodhë që ju të keni bllokim të përkohshëm shumë të shkurtër të rrugëve të frymëmarrjes. Për ta evituar gërhitjen duhet të flini në krah dhe jo në shpinë dhe ta mbani kokën pak më lartë. Mos pini duhan, alkool dhe mos përdorni barna për gjumë. Përpiquni që ta mbani në kontroll peshën tuaj trupore.
Shtatzënia sjell shumë ndryshime dhe një nga sfidat me të cilat përballen nënat shtatzëna është një ritëm i shqetësuar i gjumit. Ndërsa stomaku rritet, bëhet gjithnjë e më e vështirë për të gjetur një pozicion të rehatshëm gjumi dhe për të siguruar vazhdimësi në gjumë. Për një gjumë të mirë, është e rëndësishme të krijoni një mjedis të qetë dhe të errët. Sigurohuni që dhoma të jetë e errët, hiqni pajisjet elektronike si kompjuterët dhe qëndroni në një shtrat të pastër. Përgatitni një hapësirë ku do të ndiheni të relaksuar.
Përdorimi i më shumë jastëkëve mund ta bëjë gjumin dukshëm më të lehtë. Vendosini ato nën stomak dhe midis këmbëve për të zvogëluar presionin në diafragmë dhe për të përmirësuar frymëmarrjen. Ky truk gjithashtu ndihmon në zvogëlimin e dhimbjeve dhe shqetësimit të shpinës dhe lejon që mushkëritë tuaja të funksionojnë më mirë pa asnjë ndërhyrje.
