Princ Leka dhe Blerta Celibashi kanë hapur zemrën në një intervistë së fundmi, duke ndarë publikisht tiparet që i kanë bërë të dashurohen pas njëri-tjetrit.
Princi ka vlerësuar mbi të gjitha pavarësinë e Blertës dhe aftësinë e saj për t’u ndier mirë në çdo rreth shoqëror.
E admiroj mënyrën se si qëndron gjithmonë në këmbët e veta. Blerta di të ulet e të flasë me njerëzit e thjeshtë, por ka edhe një prezencë të jashtëzakonshme në ambiente të nivelit tjetër
-është shprehur ai.
Ndërkohë, Blerta ka bërë një zbulim që ka surprizuar shumë, ajo adhuron humorin e butë dhe shpirtin fëmijëror të princit.
I dua shpirtin e tij fëmijëror! Ai e thotë të vërtetën pa filtra. Humori i tij… jo të gjithë e kuptojnë, por mua më bën të qesh edhe në ditët më të vështira
-ka rrëfyer ajo.
Deklaratat e çiftit ofrojnë një vështrim të rrallë në marrëdhënien e tyre, duke treguar se lidhja e tyre ndërtohet mbi respekt, sinqeritet dhe vlerësimin e karakterit përtej pamjes dhe titujve publikë.
