Buckingham Palace njoftoi se Princi Andrew do të largohet nga shtëpia e tij në Royal Lodge, Windsor, pas një njoftimi formal për dorëzimin e qirasë.
Në një deklaratë, pallati njoftoi se Mbreti Charles ka nisur një proces formal për heqjen e titujve dhe nderimeve të Princit Andrew, i cili tani do të njihet si Andrew Mountbatten Windsor. Raportohet se Andrew nuk ka kundërshtuar procesin.
Lidhjet e tij me financierin dhe pedofilin, Jeffrey Epstein kanë vazhduar të shkaktojnë polemika. Megjithëse mohon akuzat, Buckingham Palace konsideron se kanë ndodhur “mosveprime serioze të gjykimit”.
Pallati shtoi:
Titulli dhe nderimet e Princit Andrew do të hiqen. Qiraja e tij në Royal Lodge i ka dhënë mbrojtje ligjore për të qëndruar atje, por tani është shërbyer njoftimi formal për dorëzimin e saj dhe do të zhvendoset në një vendbanim privat alternativ. Këto masa janë të nevojshme, pavarësisht se vazhdon të mohojë akuzat.
Deklarata shtonte se mbretëria shpreh mbështetje dhe simpati për viktimat dhe të mbijetuearit e çdo forme abuzimi. Andrew pritet të zhvendoset në një pronë private në Sandringham Estate, Norfolk, e financuar privatisht nga mbreti.
Edhe ish-bashkëshortja e tij, Sarah Ferguson do të largohet nga Royal Lodge dhe duhet të organizojë vendbanimin e ri.
Lëvizja do të kryhet sa më shpejt të jetë e mundur dhe Andrew do të marrë mbështetje të përshtatshme private nga mbreti, ndërsa çdo e ardhur tjetër do të jetë çështje e tij personale.
Lideri i Liberal Demokratëve, Ed Davey, tha:
Mbreti ka vepruar saktë duke ia hequr Princit Andrew titujt dhe vendbanimin në Royal Lodge. Pozita e tij ishte bërë e papranueshme, duke turpëruar institucionin dhe vendin. Ky është një hap i rëndësishëm për rikthimin e besimit tek institucionet dhe për mbylljen e një sagë të trishtueshme.
