Priscilla Presley ka folur hapur për mendimet e saj rreth martesës së vajzës së saj, Lisa Marie Presley, me Michael Jackson, duke e cilësuar si një lidhje të gabuar dhe të manipuluar.
Në librin “Softly, As I Leave You: Life After Elvis”, ajo rrëfen se nuk ishte kurrë në favor të kësaj martese, e cila zgjati nga viti 1994 deri më 1996.
Isha e neveritur nga ajo martesë. E pyeta nëse kishin pasur një marrëdhënie fizike, sepse si shumë njerëz nuk isha e sigurt. Ajo më tha ‘po’
-shkruan Priscilla.
Ajo thekson se gjithmonë kishte besuar se Michael nuk u martua vetëm me Lisa Marie, por me të gjithë dinastinë Presley.
Michael ishte manipulues. Pafajësia fëmijërore që ai projektonte ishte vetëm një maskë publike
-shton ajo.
Nga ana tjetër, Lisa Marie në kujtimet e saj pas vdekjes tregoi se lidhja nisi kur Michael i rrëfeu dashurinë, dëshirën për martesë dhe fëmijë. Megjithatë, martesa përfundoi me divorc vetëm dy vjet më vonë.
Pas ndarjes nga Michael, Lisa Marie u martua disa herë, përfshirë me aktorin Nicolas Cage dhe më vonë me Michael Lockwood, me të cilin pati binjakët Harper dhe Finley. Ajo ndërroi jetë në vitin 2023, në moshën 54-vjeçare, pas komplikimeve shëndetësore.
Dëshmia e Priscilla-s hedh dritë mbi një nga historitë më të diskutueshme të jetës së Lisa Marie Presley dhe marrëdhënien e saj me yllin e pop-it Michael Jackson.
