Moda nuk krijohet vetëm në pasarela, por ndikohet shumë edhe nga personazhet e famshëm, artistët dhe figurat publike. Stili i tyre shpesh bëhet frymëzim për miliona njerëz dhe ndikon në mënyrën se si zgjedhim veshjet tona. Një studim me 300 persona tregon se rreth 1 në 4 të anketuar (25%) pranojnë se janë ndikuar nga stili i personazheve të njohur kur kanë zgjedhur veshjet e tyre. Ndër të rinjtë, kjo përqindje është edhe më e lartë, ku rreth 40% e moshës 18–25 vjeç deklarojnë se marrin ide nga rrjetet sociale dhe figurat publike.
Sipas rezultateve, 35% e pjesëmarrësve ndjekin trendet e të famshmëve sepse i konsiderojnë si modele stili, ndërsa 30% thonë se i tërheq ideja për të provuar diçka të re dhe moderne. Pjesa tjetër ndikohet nga ngjyrat, markat ose kombinimet e veshjeve që shohin online.
Rrjetet sociale kanë rritur shumë këtë ndikim. Një foto ose video me një veshje të caktuar mund të bëhet trend brenda pak orësh, duke ndryshuar preferencat e shumë konsumatorëve. Kjo ka bërë që moda të jetë më e shpejtë dhe më e lidhur me internetin. Megjithatë, shumica e njerëzve nuk kopjojnë plotësisht një stil. Ata marrin ide dhe i përshtatin me personalitetin, trupin dhe mundësitë e tyre. Ndikimi i personazheve të famshëm tregon se moda është më shumë se veshje. Ajo është një mënyrë komunikimi, ku njerëzit shprehin identitetin dhe dëshirën për t’u dalluar.
