Ndonjëherë hyjmë në një ambient dhe ndjejmë menjëherë qetësi, ngrohtësi apo freski, pa kuptuar menjëherë pse. Shpesh, përgjigjja ndodhet te diçka që nuk shohim, por e ndjejmë: aroma. Shkenca ka treguar se nuhatja është një nga shqisat më të lidhura me kujtimet dhe emocionet. Pikërisht për këtë arsye, era e një shtëpie mund të ndikojë drejtpërdrejt në gjendjen tonë shpirtërore.
Qiriu në frigorifer mund të zgjasë më shumë, të digjet më bukur dhe të çlirojë aromë më të këndshme sesa do ta kishit menduar. Kur qiriu “ftohet” për pak kohë, dylli bëhet më i fortë, më kompakt dhe më i qëndrueshëm. Kjo do të thotë se nuk do të shkrihet menjëherë sapo ta ndizni. Ai digjet më ngadalë, më njëtrajtshëm dhe ajo që është më e bukura, aroma çlirohet gradualisht, në mënyrë të qëndrueshme, si një parfum i lehtë që mbetet në dhomë edhe orë të tëra pasi qiriu është fikur.
Ftohja e dyllit ndihmon që vajrat aromatikë të mos avullojnë menjëherë. Kjo do të thotë se aroma nuk “shpërthen” menjëherë dhe nuk humbet shpejt, por përhapet butë dhe mbetet e pranishme për më gjatë në ambient. Vendoseni qiriun në frigorifer 2-3 orë para ndezjes. Nëse keni frikë se mos përthith aromat e ushqimit, futeni në një qese ose enë të mbyllur. Funksionon më së miri me qirinj më të mëdhenj dhe më masivë. Ky truk përdoret shpesh edhe në dyqane parfumerie dhe spa, pikërisht për ta bërë aromën më elegante dhe më jetëgjatë.
