Princi William ka shprehur entuziazmin e tij për motorët gjatë një vizite në Belfast, ku provonte një motor statik në një studio prodhimi virtual.
Çdo arsye është e mirë për të hipur mbi një motor
– tha ai, duke kujtuar pasionin e tij të vjetër për motorët. Megjithatë, ky pasion ka qenë gjithmonë një burim shqetësimi për gruan e tij, Kate.
Në fakt, Princesha Kate ka qenë shumë e qartë që nga fillimi i lidhjes së tyre për frikën që ka ndaj motorëve, duke kërkuar që William të heqë dorë nga motori që mbante në garazhin e Kensington Palace, për shkak të rrezikut të aksidenteve. Pavarësisht këtij shqetësimi, William ka vazhduar të mbajë një pasion të thellë për motorët, dhe gjatë vizitës në Belfast, ai shprehu kënaqësinë për “eksperiencën realiste” që pati me motorin virtual, duke e vlerësuar veçanërisht për inovacionet teknike që ofronte.
Ndërkohë, Kate ka pranuar disa herë se ndien frikë kur bashkëshorti i saj udhëton me motor, dhe ka shpresuar që ky pasion të mos e trashëgojë djali i tyre, George.
Megjithatë, deri tani, duket se George ka një pasion për shpejtësinë, por ai e ka drejtuar interesin e tij tek helikopterët, për të cilët ka nisur mësime pilotimi.
