Princ William ka habitur publikun me një deklaratë të papritur për bashkëshorten e tij, Catherine, duke pranuar se nuk e dinte që ajo fliste kaq mirë italisht.
Gjatë një interviste në emisionin radiofonik britanik “Heart Breakfast”, princi foli me humor për surprizën që përjetoi gjatë vizitës së fundit të çiftit mbretëror në Itali.
Duhet ta ketë rifreskuar pas shumë vitesh
-tha ai me shaka, duke komentuar aftësitë e Kate në gjuhën italiane.
Princesha e Uellsit tërhoqi vëmendjen gjatë ndalesës në Reggio Emilia, ku komunikoi në italisht me fëmijët dhe u prezantua si “Caterina”, versioni italian i emrit të saj.
Shqiptimi i rrjedhshëm dhe mënyra natyrale e komunikimit impresionuan qytetarët italianë dhe mediat lokale.
Sipas mediave britanike, Catherine, Princesha e Uellsit kishte studiuar italisht dhe histori arti në Florence në vitin 2000, por duket se shumë njerëz, përfshirë edhe vetë William-in, nuk e kishin kuptuar nivelin e saj në gjuhë.
Vizita në Itali kishte edhe një domethënie të veçantë, pasi ishte një nga daljet e para të rëndësishme ndërkombëtare të princeshës pas problemeve shëndetësore që ajo ka kaluar vitet e fundit.
Ndërkohë, Princ William nuk e fshehu krenarinë për partneren e tij, duke e përshkruar si një bashkëshorte dhe nënë të jashtëzakonshme.
Pas momentit viral, rrjetet sociale italiane u mbushën me komente pozitive për sharmin, elegancën dhe thjeshtësinë e Kate, ndërsa shumë fansa e cilësuan paraqitjen e saj si “më mbretërore se kurrë”.
