Netflix tani po shton më shumë përmbajtje të drejtpërdrejtë në katalogun e tij të transmetimit. Mund të jeni të entuziazmuar për të parë shfaqjet tuaja të preferuara por kjo mund të jetë një “grackë” dhe mund t’ju japë dhe një gjobë të majme. Problemi qëndron pasi konsumatoerët ende mund të kenë nevojë për një licencë televizive për të parë shfaqje të drejtpërdrejta edhe nëse ato shfaqen në një shërbim transmetimi si Netflix.
Me një çmim të sapo rritur prej 174.50 £, pagesa për një licencë televizive nuk është e lirë. Megjithatë, është ende shumë më pak se gjoba me të cilën mund të përballeni për të mos pasur një të tillë. “Mospagesa për një licencë televizive mund të çojë në një gjobë prej 1,000 £ nëse zbulojmë se keni parë, regjistruar ose shkarkuar programe në mënyrë të paligjshme.”-shpjegon TV Licensing në faqen e saj të internetit.
Gjoba maksimale është 2,000 £ në Guernsey. Plus çdo kosto ligjore dhe/ose kompensim që mund të urdhëroheni të paguani. Në mënyrë tipike, nuk keni nevojë për licencë televizive për të parë shërbime transmetimi si Netflix, Amazon Prime ose Disney+. Megjithatë, ju ende keni nevojë për një licencë për të parë programe të drejtpërdrejta, pavarësisht nëse jeni duke përdorur një shërbim transmetimi apo jo.
Pothuajse dhjetë vjet pasi prezantoi mbështetjen për High Dynamic Range (HDR) me serialin Marco Polo, Netflix tani po sjell një format të ri që përmirëson edhe më shumë cilësinë e imazhit. Kompania ka njoftuar se përdoruesit së shpejti do të mund të transmetojnë përmbajtje në HDR10+, një teknologji që konkurron me formatin Dolby Vision. Krahasuar me HDR-në standarde, HDR10+ ofron një gamë më të gjerë dinamike për një imazh më të ndritshëm dhe më të theksuar. Gjithashtu, mundëson rregullimin e tonit për çdo kuadër, që do të thotë se pajisja nuk ka nevojë të përshtatë automatikisht ndriçimin e skenave të errëta dhe të ndritshme.
