Një fundjavë plot muzikë dhe emocione në Coachella është kthyer në temën më të nxehtë të momentit, pasi Katy Perry dhe Justin Trudeau u shfaqën më të afërt se kurrë.
Këngëtarja dhe ish-kryeministri kanadez ndanë momente nga festivali në rrjetet sociale, ku shfaqen duke ecur dorë për dore, duke kënduar dhe shijuar atmosferën e zjarrtë të eventit.
Prania e tyre së bashku në shkretëtirën e Kalifornisë nuk kaloi pa u vënë re, sidomos gjatë performancës së Justin Bieber, ku dyshja duket se po kalonte një kohë të paharrueshme.
Argëtimi vazhdoi deri në orët e para të mëngjesit, me Perry që u pa duke kërcyer në klub dhe duke shijuar ushqim pas koncerteve, ndërsa veshja e saj provokuese mori gjithashtu vëmendje të madhe.
Pas ndarjes nga Orlando Bloom vitin e kaluar, duket se këngëtarja ka hapur një kapitull të ri në jetën e saj personale. Ndërkohë, marrëdhënia e saj me Trudeau-n po komentohet gjerësisht në media, madje edhe djali i tij, Xavier, ka folur pozitivisht për të, duke e cilësuar si një person të afërt dhe mbështetës.
