Djali i ish-kryeministrit kanadez Justin Trudeau, Xavier, i njohur si Xav, ka folur hapur për marrëdhënien e babait të tij me këngëtaren Katy Perry, e konfirmuar publikisht në dhjetor 2025.
I ftuar në podkastin “Can’t Be Censored”, 18-vjeçari e përshkroi Perry-n si një person “super të ëmbël” dhe “me këmbë në tokë”.
Ai theksoi se më e rëndësishmja është lumturia e babait të tij:
Mendoj se babai im është i lumtur dhe kjo është gjëja më e rëndësishme.
Xav zbuloi gjithashtu se merret me muzikë dhe herë pas here i dërgon këngët e tij Katy Perry-t për këshilla:
Kur jam vërtet i kënaqur me një këngë, ia dërgoj asaj. Ajo gjithmonë më jep këshilla ose më tregon çfarë duhet të ndryshoj.
Pavarësisht vëmendjes publike që shoqëron lidhjen e babait të tij me një yll me famë botërore, Xav tha se është mësuar të përballet me të për shkak të karrierës politike të babait.
Ai e sheh të gjithë këtë si diçka normale:
Është si çdo foto tjetër e babait dhe mamit tim, ose thjesht e babait tim.
Kur u pyet për komentet negative në internet, Xav tha se ndjek këshillat që ka marrë që fëmijë:
Gjithë jetën më thonë: ‘Mos i lexo komentet’.
Sidoqoftë, ai pranoi se ndonjëherë ndikonet nga kritikat, por shpesh ndihmohet nga mbështetja e ndjekësve:
Më ndihmon kur dikush komenton në videon time, e shpërndan ose e pëlqen
