Një gjykatës federal ka rrëzuar një padi për sulm seksual kundër artistit Sean “Diddy” Combs, pasi paditësja, e cila kishte paraqitur padinë në tetor 2024 nën pseudonimin “Jane Doe”, nuk e kishte paraqitur ankesën me emrin e saj të vërtetë brenda afatit të caktuar.
Padia pretendonte se Combs e kishte sulmuar seksualisht në një festë në vitin 1995. Më 6 mars 2025, gjykatësi Lewis J.Liman urdhëroi që paditësja të paraqiste ankesën me emrin e saj të vërtetë deri më 20 mars 2025, përndryshe çështja do të rrëzohej.
Deri më 31 mars, paditësja nuk e kishte bërë këtë dhe as nuk kishte kërkuar një zgjatje të afatit, duke çuar në hedhjen poshtë të padisë.
Ekipi ligjor i Combs kritikoi paditë që mbështeten në anonimitet dhe theksoi rëndësinë e transparencës në këto raste.
Ky është rasti i dytë që rrëzohet ndaj Combs, i cili megjithatë ende përballet me akuza dhe padi të tjera, përfshirë trafikim seksual dhe shantazh, të cilat ai i mohon. Gjyqi penal kundër tij është i planifikuar të fillojë në maj.
