Një vendim i Komisionit Evropian ka hapur një debat të ri mbi raportin mes kulturës dhe politikës, pasi Brukseli ka vendosur të tërheqë një grant prej 2 milionë eurosh për Fondacionin e Bienales së Venecias. Shkak është bërë rikthimi i Rusisë në edicionin e vitit 2026 të ekspozitës prestigjioze të artit bashkëkohor, për herë të parë që nga pushtimi i Ukrainës në vitin 2022.
Sipas Komisionit Evropian, aktivitetet kulturore të financuara nga fondet e Bashkimit Evropian duhet të mbështesin vlerat demokratike, dialogun, diversitetin dhe lirinë e shprehjes. Institucionet evropiane argumentojnë se këto parime nuk respektohen nga Rusia në rrethanat aktuale, ndaj vendosën ndërprerjen e financimit.
Fondacioni i Bienales së Venecias e ka kundërshtuar vendimin, duke bërë të ditur se do ta ankimojë atë pranë autoriteteve kompetente. Organizatorët theksojnë se fondet e BE-së ishin të destinuara për projekte të sektorit të kinemasë, si Biennale College dhe Venice Production Bridge, dhe jo për ekspozitën e artit ku mori pjesë pavijoni rus. Sipas tyre, vendimi nuk do të ndikojë ndjeshëm në buxhetin apo në zhvillimin e aktiviteteve të planifikuara.
Rikthimi i pavijonit rus ka shkaktuar reagime të forta nga Ukraina, artistë dhe organizata kulturore ndërkombëtare, të cilët e kanë cilësuar praninë e tij si të papërshtatshme në kushtet e luftës. Nga ana tjetër, drejtuesit e Bienales mbrojnë qëndrimin se manifestimi duhet të mbetet një hapësirë e pavarur dialogu artistik, ku arti nuk duhet t’i nënshtrohet censurës politike.
Polemika pritet të vazhdojë edhe në muajt në vijim, ndërsa ankimi i Fondacionit të Bienales mund të shndërrohet në një çështje me rëndësi jo vetëm për institucionin, por edhe për mënyrën se si
