Më 23 qershor, Scooter, një qen kinez shtatëvjeçar me kreshtë, u kurorëzua fitues i Konkursit të Qenit më të Shëmtuar në Botë 2023, duke mposhtur shtatë qen të tjerë. Ngjarja me famë botërore është mbajtur si pjesë e panairit Sonoma-Marin në Petaluma të Kalifornisë për pesë dekadat e fundit.
Scooteri fitoi një çmim në para prej 1500 dollarësh dhe një trofe. Konkursi synon të promovojë adoptimin e qenve, të shfaqë qentë e jashtëzakonshëm që kanë sfiduar vështirësitë dhe gjithashtu të festojë papërsosmëritë e tyre.
Qeni fatkeqësisht lindi me këmbët e pasme të deformuara dhe u shpëtua nga grupi i shpëtimit Saving Animals From Euthanasia (SAFE), sipas Today. Fituesi i titullit të vitit 2023 qëndroi me një burrë nga grupi i shpëtimit për rreth shtatë vjet. Pasi burri nuk ishte në gjendje të vazhdonte të kujdesej për qenin e jashtëzakonshëm, Linda Elmquist e adoptoi atë.
Elmquist thotë se Scooter ka ecur në këmbët e tij të përparme që kur ishte këlysh dhe me rritjen e tij lodhet lehtë. Për të pushuar, Scooter ulet në këmbët e pasme si një trekëmbësh. Scooter gjithashtu ka një karrocë tani, e cila e ka lejuar atë të lëvizë më shpejt dhe të bëjë gjëra që nuk mund t’i bënte kurrë, si të nuhasë rrethinën e tij. Por atij iu desh pak kohë për t’u përshtatur me automjetin. Elmquist thotë se përveç deformimit të tij, Scooter është njësoj si çdo qen tjetër dhe i pëlqejnë salsiçet.
Konkursi i Qenit më të shëmtuar në botë u rikthye vitin e kaluar pas një pauze dyvjeçare për shkak të pandemisë COVID-19. Mr Happy Face ishte fituesi i titullit të vitit 2022. Qeni kishte tumore, probleme neurologjike dhe një kokë të përkulur. Mr Happy Face kishte nevojë për një pelenë dhe gjithashtu luftoi për të qëndruar në këmbë ose për të ecur.
