Ousmane Dembele shpallet fitues i ‘Topit të Artë’ 2025!
Ousmane Dembele është fituesi i ”Topit të Artë” për vitin 2025. Francezi i PSG-së fitoi në votimin e përvitshëm duke mposhtur Lamin Jamal në përfundim të një mbrëmjeje gala në Paris që ishte e mbushur me emocione për edicionin e 69-të të këtij trofeu.
Në vijim, mund të lexoni fituesit e të gjithë çmimeve, ku spikatën padyshim edhe fitorja për të tretin vit radhazi nga Aitana Bonmati të “Topit të Artë” për femra, si dhe suksesi për të dytin vit radhazi i Lamin Jamal në trofeun “Kopa”.
ÇMIMET
Lamin Jamal është fituesi i parë i mbrëmjes, pasi merr trofeun “Kopa” që i kushtohet lojtarit të ri më të mirë të edicionit të fundit. Ai mundi Doue, Estevao, Zhoao Neves dhe Jilldiz për të fituar këtë trofe.
Futbollistja spanjolle e Barcelonës, Viki Lopez, shpallet fituesja e çmimit “Kopa” për futbollin e femrave.
Fituesi i trofeut “Johan Krujf”, për trajneren më të mirë në futbollin e femrave i shkon trajneres të Anglisë, Sarina Veigman.
Fituesi i trofeut “Johan Krujf”, për trajnerin më të mirë në futbollin e meshkujve i shkoi Luis Enrikes. Ai mundi Antonio Konten, Hansi Flik, Enzo Mareskan dhe Arne Slot. Trajneri spanjoll nuk ishte në sallë për të tërhequr çmimin, pasi ishte në Marsejë për ndeshjen e PSG-së ndaj Olimpikut vendas.
Hana Hempton e Çelsit dhe Anglisë, si dhe Xhanluixhi Donaruma i Mançester Sitit dhe Italisë, shpallen fituesit e trofeut “Lev Jashin” për portierin më të mirë për femra dhe për meshkuj.
Në ceremoninë e ”Topit të Artë” iu kushtua një moment edhe kujtimit të Diogo Jota dhe vëllait të tij, Andre Silva, të cilët humbën jetën në mënyrë tragjike gjatë verës.
Trofeu “Gerd Myler” për golashënuesin më të mirë të sezonit i shkuan polakes Eva Paxhor për futbollin e femrave dhe suedezit Viktor Gyokeres për të meshkujve.
Klubi më i mirë i futbollit të femrave për këtë vit u shpall Arsenali që fitoi Ligën e Kampioneve.
Klubi më i mirë i futbollit të meshkujve i këtij viti u shpall PSG, i cili fitoi Ligën e Kampioneve në edicionin e fundit.
Çmimi “Sokrates” për aktivizmin dhe punën sociale në sportin e futbollit i shkon fondacionit “Xana”, të krijuara nga Luis Enrike dhe familja e tij për të ndihmuar familjet dhe fëmijët në nevojë, në kujtim të vajzës së të trajnerit spanjoll që u nda nga jeta pak vite më parë.
RENDITJA
1 – Ousman Dembele
2 – Lamin Jamal
3 – Vitinja
4 – Mohamed Salah
5 – Rafinja
6 – Ashraf Hakimi
7- Kilian Mbape
8 – Kol Palmer
9 – Xhanluixhi Donaruma
10 – Nuno Mendes
11 – Pedri
12 – Kviça Kvaratskhelia
13 – Herri Kejn
14 – Desire Doue
15 – Viktor Gyokeres
16 – Vinicius
17 – Robert Levandovski
18 – Skot MekTominej
19 – Zhoao Neves
20 – Lautaro Martinez
21 – Serhu Girasi
22 – Aleksis MakAlister
23 – Xhud Bellingam
24 – Fabian Ruiz
25 – Denzel Dumfris
26 – Erling Haland
27 – Deklan Rajs
28 – Virxhil Van Dajk
29 – Florian Virtz
30 – Majkëll Olize
