Kalimi i Kilië Mbape nga numri 9 në atë 10 të Luka Modriç ka shkaktuar një betejë të brendshme të qetë në dhomat e zhveshjes së Real Madridit. Sipas Cadena Ser, dy të rinjtë Endrik dhe Gonzalo Garsia tani po konkurrojnë për numrin prestigjioz të lënë bosh nga asi francez.
Endrik, i cili mbërriti nga Palmeiras në vitin 2024, ka pasur një sezon të parë mjaft të vështirë për t’u përshtatur me klubin. Ai ka luajtur vetëm tre ndeshje si titullar në 37 paraqitje në La Liga, i lënë në hije nga Mbape, Vinicius, Bellingam dhe Rodrigo. Megjithatë, braziliani i ri nuk ka ndërmend të dorëzohet: ai refuzon çdo ofertë huazimi dhe synon të sigurojë një vend në skuadrën e Çabi Alonsos, ndoshta duke filluar nga numri 9 si një shenjë ambicieje dhe pranie.
Por surpriza e vërtetë është Gonzalo Garcia, 21 vjeçari i cili u rrit në akademinë e të rinjve të Madridit. Pas një sezoni të shkëlqyer me Castilla-n (25 gola) dhe një roli kryesor në Kupën e Botës për Klube (4 gola dhe 1 asist në 6 ndeshje), sulmuesi spanjoll është bërë një alternativë e qëndrueshme me kosto të ulët ndaj Mbapes, duke fituar si klubin ashtu edhe tifozët.
Me afatin e transferimeve ende të hapur, vendimi për numrin 9 të ardhshëm të Real Madridit mund të jetë hapi i parë në përcaktimin e të ardhmes së të dy talenteve të rinj.
