Sipas shpjegimeve të NASA, Toka mund të shoqërohet përkohësisht nga një objekt i vogël hapësinor që sillet rreth saj, duke krijuar idenë e një “Hëne” të dytë deri rreth vitit 2033. Bëhet fjalë për një asteroid të vogël që është kapur përkohësisht nga graviteti i Tokës. Shkencëtarët theksojnë se ky objekt nuk është një satelit natyror i vërtetë si Hëna, por një trup hapësinor që qëndron vetëm për një periudhë të kufizuar dhe më pas largohet. Ekspertët sqarojnë se fenomene të tilla ndodhin herë pas here dhe nuk paraqesin asnjë rrezik për planetin tonë.
Hëna duket më e madhe sepse ndodhet rreth 384 mijë kilometra larg Tokës dhe distanca është ajo që përcakton sa shumë të bie në sy një objekt në qiell. Nëse një planet do të ishte në të njëjtën distancë, ai nuk do të dukej si një pikë e vogël, por do të mbushte qiellin me forma, ngjyra dhe detaje të dukshme me sy të lirë.
Yjet janë ndryshe, sepse te ta rol kryesor luan ndriçimi. Një yll aq afër sa Hëna do të dukej si një disk i zjarrtë dhe nata nuk do të ishte më kurrë e errët. Në hapësirë, nuk ka rëndësi vetëm madhësia e objekteve, por distanca është ajo që vendos çfarë dominon në qiellin tonë.
Ndërkaq, shënoni datën 28 shkurt, sepse qielli pritet të ofrojë një spektakël të rrallë. Gjashtë planetë do të shfaqen të rreshtuar në të njëjtën pjesë të qiellit në orët e mbrëmjes, një fenomen që shumica e njerëzve mund të mos e shohin kurrë gjatë jetës së tyre. Mërkuri, Venusi, Jupiteri, Saturni, Urani dhe Neptuni do të duken pas perëndimit të diellit, duke krijuar një pamje mbresëlënëse që kujton sa i madh dhe misterioz është universi.
