Kompania Sony ka konfirmuar ndalimin e prodhimit dhe shitjes së regjistruesve Blu‑ray në nivel botëror, pa ndonjë model të ri pasardhës. Ndër pajisjet që dalin nga prodhimi janë modeli i njohur BDZ‑ZW1900 dhe modelet e serive FBT dhe FBW. Edhe pse regjistruesit janë larguar nga tregu, lojtarët standardë Blu‑ray dhe disqet e regjistruar qëndrojnë në shitje. Lëvizja e Sony pason zvogëlimin e divizionit të mediave fizike në 2024 dhe tërheqjen nga formatet MiniDisc dhe MiniDV.
Ekspertët paralajmërojnë se kjo është një tjetër goditje për adhuruesit e mediave fizike, pasi Blu‑ray ende ofron cilësi më të lartë audio dhe video në krahasim me shërbimet e “striming”, duke ofruar pronësi reale të përmbajtjes. Të ardhmen e kësaj teknologjie e mbetet e pasigurt, ndërsa kompania TCL pritet të marrë divizionin e argëtimit në shtëpi të Sony vitin e ardhshëm, gjë që mund të sjellë ndryshime të mëtejshme strategjike.
Sony është duke zhvilluar një sensor të vetin të madh 200 MP, të cilin do ta përdorë për kamerat kryesore të smartfonëve flagship që janë planifikuar për këtë vit. Sensori 200 MP ISOCELL HP9 i Samsungut ka pasur sukses në kamerat telefoto periskopike, duke filluar nga smartfoni Vivo X100 Ultra, e më pas në modelet X200 Pro, Xiaomi 15 Ultra dhe së shpejti në Vivo X200 Ultra. Po ashtu, ISOCELL HP2 200 MP është pjesë e kamerës kryesore në Samsung Galaxy S25 Ultra. Ky është një sensor 1/1.3 inç, ndërsa thashethemet e reja thonë se Sony po punon mbi një sensor të madh 200 MP, që do të përdoret nga smartfonët flagship që do të dalin në treg më vonë këtë vit, ata që do të drejtohen nga procesorët MediaTek Dimensity 9500 ose Snapdragon 8 Elite 2.
