Vetëm një javë pasi kurorëzuan dashurinë e tyre në një ceremoni madhështore në Madison Square Garden, Taylor Swift dhe Travis Kelce kanë bërë paraqitjen e tyre të parë publike si burrë e grua.
Fituesja e shumë çmimeve Grammy, 36 vjeçe, dhe ylli i NFL, gjithashtu 36 vjeç, morën pjesë në dasmën e ish-bashkëlojtarit të Kelce te Kansas City Chiefs, JuJu Smith-Schuster, i cili u martua me partneren e tij, Laura Kirk, në hotelin luksoz Ritz-Carlton, Laguna Niguel, në Orange County të Kalifornisë.
Çifti i sapomartuar tërhoqi menjëherë vëmendjen e të pranishmëve, duke u shfaqur të kapur për dore dhe duke reflektuar lumturinë e ditëve të para të martesës. Ishte hera e parë që Swift dhe Kelce u panë në publik pas ceremonisë së tyre të bujshme, e cila, sipas raportimeve, kishte një kosto prej rreth 50 milionë dollarësh.
Për këtë rast, Taylor zgjodhi një fustan rozë pa rripa nga marka Markarian, me një vlerë prej 4,115 dollarësh, të cilin e kombinoi me buzëkuqin e saj ikonik të kuq. Në krah të saj, Travis Kelce u shfaq me një kostum klasik të zi, duke kompletuar pamjen elegante të çiftit.
Prania e tyre në dasmë nuk kaloi pa u komentuar, me shumë fansa që e cilësuan këtë si debutimin e shumëpritur të çiftit si bashkëshortë, vetëm pak ditë pas një prej ceremonive më të përfolura të vitit në botën e showbiz-it.
