Agjencia shtetërore iraniane e lajmeve, IRNA, ka prezantuar versionin e saj të memorandumit të mirëkuptimit me SHBA, i cili, sipas saj, përputhet me objektivat kryesore të Teheranit. Drafti parashikon ndërprerjen e armiqësive në të gjithë rajonin, përfshirë Libanin, heqjen e sanksioneve amerikane, lirimin e fondeve të ngrira dhe kërkimin e kompensimeve nga agresioni i mëparshëm amerikan dhe izraelit.
Skica saktëson se programi bërthamor i Iranit mbetet i paprekur, kontrolli i Ngushticës së Hormuzit nuk ndryshon, dhe negociatat për çështjet e hapura do të zhvillohen brenda 60 ditëve pas nënshkrimit. Drafti përcakton gjithashtu heqjen gradualisht të sanksioneve dhe lirinë për përdorimin e fondeve të ngrira sipas garancive të arritura.
Megjithatë, Ministria e Jashtme iraniane mohoi përmbajtjen e raportimeve, duke i cilësuar ato “thjesht spekulime mediatike”, duke krijuar paqartësi mbi praninë reale të marrëveshjes me 14 pika. Drafti i publikuar nga IRNA ka ngjallur diskutime ndërkombëtare për të ardhmen e marrëdhënieve SHBA-Iran dhe për paqen në Lindjen e Mesme.
Agjencia shtetërore iraniane e lajmeve, IRNA, ka publikuar versionin e saj të memorandumit të mirëkuptimit me SHBA, duke detajuar 7 pikat kryesore të marrëveshjes së mundshme:
1. Programi bërthamor mbetet “i paprekur”
Memorandumi nuk përfshin asnjë angazhim të ri mbi çështjen bërthamore. Bisedimet për këtë do të zhvillohen brenda 60 ditëve pas nënshkrimit.
2.Kontrolli i Ngushticës së Hormuzit
Teherani nuk dorëzon menaxhimin e ngushticës, duke përjashtuar çdo rol për SHBA-në. E ardhmja e rajonit do të vendoset ekskluzivisht përmes dialogut midis Iranit dhe Omanit.
3.Fundi përfundimtar i luftës në të gjitha frontet
Qëllimi kryesor është ndërprerja e armiqësive në rajon, përfshirë Libanin. SHBA-të marrin përsipër të detyrojnë Izraelin të ndalojë konfliktin, duke shmangur çdo term “zgjatje e armëpushimit”.
4.Mekanizmi për lirimin e fondeve të ngrira
Disa asete iraniane do të lirohen menjëherë pas nënshkrimit, ndërsa pjesa tjetër gradualisht gjatë negociatave, pasi Teherani të sigurojë garancitë e kërkuara.
5.Kërkimi i kompensimit të luftës
Memorandumi përfshin dëmet e pësuara nga agresioni amerikan dhe izraelit. Mënyra e saktë e kompensimit do të përcaktohet brenda 60 ditëve pas nënshkrimit.
6. Heqja e sanksioneve parësore dhe dytësore
Të gjitha sanksionet e SHBA-së dhe rezolutat ndërkombëtare do të rishikohen brenda të njëjtit afat 60-ditor të negociatave bërthamore.
7.Afati kohor 60-ditor për marrëveshjen përfundimtare
Negociatat do të fokusohen në tre çështje: programi bërthamor paqësor i Iranit, heqja e sanksioneve dhe kompensimet e luftës. Asnjë çështje tjetër, përfshirë programin raketor, nuk do të jetë pjesë e axhendës.
Sidoqoftë, Ministria e Jashtme iraniane ka mohuar raportimet, duke i cilësuar ato “spekulime mediatike”, duke krijuar paqartësi mbi praninë reale të marrëveshjes.
