Për herë të parë, marka elektrike me seli në Teksas ka shitur më shumë makina se një nga tre kompanitë e vjetra gjermane të makinave premium. Firma e drejtuar nga Elon Musk dërgoi 1,789,226 automjete, ose saktësisht 118,008 njësi më shumë se Audi. Marka e Grupit Volkswagen ra vitin e kaluar me 11.8% në 1,671,218 makina. Kjo vlerësohet si një performancë mbresëlënëse duke pasur parasysh se Tesla ka vetëm pesë modele në linjën e saj, dhe të gjitha janë elektrike si Model 3, Model Y, Model S, Model X dhe Cybertruck.
Tesla ka tërhequr pothuajse 700,000 automjete elektrike për shkak të një problemi me dritën paralajmëruese në sistemin e monitorimit të presionit të gomave. Drita paralajmëruese mund të mos qëndrojë e ndezur ndërmjet cikleve të drejtimit, duke mos paralajmëruar shoferin për presionin e ulët të gomave dhe duke rritur rrezikun e një përplasjeje, sipas prodhuesit. Bëhet e ditur se tërheqja prek disa automjete Model 3, Model Y dhe Cybertruck.
Ndërsa defekti do të zgjidhet përmes një përditësimi të softuerit falas. Ndryshe, Tesla ka njoftuar disa tërheqje gjatë gjithë vitit. Kompania e Elon Musk tërhoqi 1.8 milionë automjete në korrik për shkak të një problemi që mund të rriste rrezikun e një aksidenti. Në shkurt kompania tërhoqi afro 2.2 milionë automjete në SHBA sepse disa drita paralajmëruese në panelin e instrumenteve ishin shumë të vogla. Cybertruck është tërhequr shtatë herë, me një tërheqje muajin e kaluar që përfshinte rreth 2,400 automjete.
Kompania Tesla po zhvillon modelin e ardhshëm, Model Q me emrin e koduar Redwood dhe kjo makinë elektrike pritet në vitin 2025. Modeli Q thuhet se do të kushtojë më pak se 30,000 dollarë (dhe ndoshta edhe 25,000 dollarë), do të jetë më i vogël dhe më i lehtë se Modeli 3 dhe do të ketë një rreze distance prej 500 kilometrash. Tesla ka dominuar prej kohësh tregun e makinave elektrike falë modeleve të saj premium si Model S dhe Model X, si dhe opsioneve pak më të përballueshme si Model 3 dhe Model Y.
