Shkencëtarët po zhvillojnë një test të thjeshtë gjaku që mund të parashikojë se cilët pacientë janë më të rrezikuar nga kardiomiopatia hipertrofike (HCM), sëmundja më e zakonshme e trashëguar e zemrës në nivel global. Miliona njerëz jetojnë me HCM, një sëmundje e muskulit të zemrës ku muret e saj trashen në mënyrë jonormale. Ajo shkaktohet nga ndryshime gjenetike dhe zakonisht trashëgohet në familje.
Ndërsa disa pacientë kanë pak ose aspak simptoma, të tjerë përballen me komplikime serioze, përfshirë dështimin e zemrës dhe ritme jonormale kardiake, që mund të çojnë edhe në arrest kardiak. Një nga sfidat kryesore për mjekët ka qenë mungesa e një metode të saktë për të identifikuar se cilët pacientë me këtë gjendje gjenetike janë më të rrezikuar nga komplikimet kërcënuese për jetën. Aktualisht, nuk ekziston një kurë për HCM dhe monitorimi mbetet i përgjithshëm.
Norvegjia për herë të parë ka filluar të përdorë analizat e gjakut për të zbuluar ndryshimet në tru të lidhura me sëmundjen Alzheimer. Testet, të cilat tani janë të disponueshme në spitale për pacientët që shfaqin simptoma njohëse, matin nivelet e një proteine të lidhur me sëmundjen Alzheimer.
Një studim i kohëve të fundit i udhëhequr nga Spitali Universitar i Stavanger analizoi mbi 11.000 mostra gjaku nga njerëz të moshës 57-vjeç e lart. Rezultatet treguan se një në tre norvegjezë mbi 70-vjeç kanë ndryshime në tru të lidhura me sëmundjen Alzheimer, me më shumë se 60% të atyre mbi 90-vjeç të prekur.
Një paralajmërim i ri nga shkencëtarët ka vënë në qendër të vëmendjes ushqime që konsumohen çdo ditë, si buka e thekur, patatet e skuqura dhe kafeja. Sipas ekspertëve, gjatë gatimit të këtyre produkteve në temperatura të larta formohet një kimikat i quajtur acrilamid, i cili mund të rrisë ndjeshëm rrezikun për infarkt në zemër dhe goditje në tru. Hulumtimi, i publikuar në revistën shkencore Nutrients, ka analizuar dhjetëra studime të kryera që nga viti 2007, ku janë përfshirë mbi 100 mijë persona. Të dhënat tregojnë se individët me konsum më të lartë të acrilamidit kanë pasur rrezik më të madh për ngjarje serioze kardiovaskulare dhe vdekje të lidhura me to.
