Lufta në Ukrainë në ditën e 1,322-të. Donald Trump njofton se ka “marrë një vendim” lidhur me dërgimin e raketave Tomahawk në Kiev, por së pari dëshiron të kuptojë si do të përdoren ato kundër Rusisë. Gjatë natës midis të dielës dhe të hënës, Moska nisi sulmin më agresiv në Lviv, në zemër të Ukrainës perëndimore, që nga fillimi i pushtimit në shkallë të gjerë.
Pesë persona u vranë, përfshirë një adoleshent dhe të paktën 18 u plagosën. Infrastruktura energjetike u godit gjithashtu nga bombat, duke shkaktuar ndërprerje të gjera të energjisë e kjo bëhet më e vështirë në kushtet e rënies së temperaturave.
Katër civilë u vranë në një sulm me dronë ukrainas në pjesën e kontrolluar nga Moska të rajonit Kherson, sipas guvernatorit pro-rus Vladimir Saldo.
Katër civilë u vranë në rrugën midis Zavodovkas dhe Gornostaevkas, si rezultat i një sulmi me dronë duke shënjestruar automjete civile.
Sistemet mbrojtëse ruse kanë kapur një numër rekord dronësh ukrainas gjatë natës: 184 u rrëzuan mbi rajonet ruse, veçanërisht Kursk e Belgorod, përfshirë një që synonte Moskën, raportoi Ministria e Mbrojtjes, e cituar nga agjencia TASS.
Hungaria nuk është e detyruar të mbështesë anëtarësimin e Ukrainës në Bashkimin Europian dhe Kievi nuk do ta shantazhojë Budapestin që të ndryshojë qëndrimin e tij. Ky është qëndrimi i kryeministrit hungarez, Viktor Orbán, i shprehur në X.
I nderuar Z. President, me të gjithë respektin e duhur, Hungaria nuk ka asnjë detyrim moral për të mbështetur anëtarësimin e Ukrainës në BE. Asnjë vend nuk është përpjekur ndonjëherë të bashkohet me Bashkimin Europian përmes shantazhit e kjo nuk do të ndodhë as këtë herë. Traktati për Bashkimin Europian nuk lë vend për paqartësi: anëtarësimi vendoset nga shtetet anëtare, unanimisht. Populli hungarez e ka marrë vendimin e tij.
