Një nga momentet më të komentuar të “Academy Awards 2026” ishte paraqitja e Zendaya në skenën e Dolby Theatre më 15 mars, ku vëmendjen e të gjithëve e mori një detaj i veçantë, unaza në gishtin e saj.
Aktorja e filmave Spider-Man u shfaq me një fustan të gjatë ngjyrë kafe, me një shpatull të zbuluar, të kombinuar me bizhuteri shkëlqyese.
Ajo ishte në skenë për të bashkëprezantuar çmimin për Regjinë më të Mirë për regjisorin Paul Thomas Anderson dhe filmin “One Battle After Another”.
Megjithatë, aksesorët e saj morën gjithë vëmendjen, veçanërisht një unazë që shumë fansa dyshuan se mund të jetë unaza e martesës. Kjo ka nxitur spekulime të reja se aktorja mund të jetë martuar fshehurazi me të fejuarin e saj, Tom Holland.
Thashethemet për një martesë të mundshme kanë qarkulluar prej kohësh, sidomos pasi stilisti i saj prej vitesh, Law Roach, kishte lënë të kuptohej më herët se çifti mund të ishte martuar në fshehtësi.
Megjithatë, gjatë ceremonisë, Roach nuk dha asnjë detaj të ri. Kur u pyet nga mediat për këtë çështje, ai e shmangu përgjigjen me humor, duke thënë se ishte i përqendruar te këpucët e reja të Chanel dhe nuk konfirmoi asgjë për martesën.
Momentet me unazën e Zendaya-s shtuan edhe më shumë mister në tapetin e kuq dhe ndezën internetin me komente e teori. Ndërkohë, fansat vazhdojnë të analizojnë çdo detaj të paraqitjes së saj për të kuptuar nëse aktorja ka lidhur vërtet kurorë me Tom Holland.
