Autoritetet në Shtetet e Bashkuara bëjnë me dije se po monitorojnë rrugën e Uraganit Erin, i cili po forcohet dhe tashmë ka shkaktuar urdhra evakuimi në pjesë të Outer Banks, rripit të gjatë të ishujve që ndan bregdetin e Karolinës së Veriut nga Oqeani Atlantik. Një zyrtar presidencial amerikan tha se administrata Trump do të shqyrtojë “të gjitha kërkesat për ndihmë federale”.
Erin është aktualisht një uragan i Kategorisë 2, por erërat kanë rifilluar të shtohen në orët e fundit, duke u rritur nga 103 në rreth 110 milje në orë. Një gjendje e jashtëzakonshme është shpallur në Karolinën e Veriut.
