Bota Tech

Dërgesat me dronë tanimë një ‘trend’?! Kemi të reja nga Amazon!

Amazon po planifikon të fillojë të bëjë dërgesa me dronë deri në fund të vitit në një qytet të Kalifornisë, në Lockerford. Rivali i shitjes me pakicë ‘Walmart’ tashmë ofron shpërndarje me dron dhe në maj njoftoi rritjen e shërbimit, me një zgjerim në gjashtë shtete, deri në fund të vitit dhe një potencial për dërgimin e një milion paketave në vit. Klientët e Amazon në qytetin Lockeford, Kalifornia Veriore, do të jenë në gjendje të regjistrohen për dërgesë falas me dronët “Prime Air”.

Artikujt e transportueshëm nga ajri të porositur në faqen e internetit të shitësit me pakicë do të paketohen dhe do të fluturojnë me drone në adresat e blerësve, duke i hedhur paketat jashtë nga lartësitë e sigurta dhe më pas do të fluturojnë serish ne destinacionet fillestare. Amazon thotë se ka krijuar një sistem të sofistikuar zbulimi për të lejuar dronët e saj të shmangin avionët, njerëzit, kafshët shtëpiake dhe pengesa të tjera. Kompania tha se:

Ne projektuam sistemin tonë të zbulimit për dy skenarë kryesorë, të jemi të sigurt në tranzit dhe të jemi të sigurt kur i afrohemi tokës.

Reagimet në Kaliforni do të përdoren për të zgjeruar shërbimin e dronëve. Një sërë kompanish, duke filluar nga startup-et e reja deri te kompanitë e mëdha të teknologjisë si Alphabet, kompania mëmë e Google, po punojnë në shpërndarjen autonome të dronëve.

Projekti i dronëve ‘Alphabet Wing’ përfundoi dërgesat e tij të para në vitin 2014 në Australinë rurale, ku transportoi me sukses furnizimet e ndihmës së parë, çokollata, ushqime për qentë dhe ujë për fermerët. Dy vjet më vonë, dronët Wing u përdorën për të shpërndarë sanduiçë tek studentët në një universitet të Virxhinias.

Rikujtojmë, se zhvilluesi i “elektroshok”-ëve Axon tha së fundmi se po punon për të ndërtuar dronë të armatosur me “armë elektrike” që mund të fluturojnë nëpër shkolla dhe të ndihmojnë në parandalimin e sulmeve me armë. Por disa ekspertë të teknologjisë shpejt e konsideruan idenë si një fantazi të rrezikshme.