Herë pas here, dëgjojmë metoda nga më të ndryshmet për të pasur sukses në heqjen e kilogramëve të tepërt. Megjithatë, hulumtimet e reja sugjerojnë të hani çdo 6 deri në 15 orë, duke shmangur ushqimet e vazhdueshme, vetëm në këtë mënyrë ora biologjike mund të funksionojë siç duhet. Agjëroni ose bëni “fasting” të paktën 14 orë në ditë, hani ndërmjet orës 6 të mëngjesit dhe 15:00 të pasdites dhe anashkaloni darkën. Kjo është “receta” e humbjes së peshës sipas një raporti të bërë nga ekspertët e të ushqyerit dhe të publikuar në ‘Nature’.
Studimi, i cili analizon 250 kërkime të mëparshme, tregon se ky zakon ushqimor, i ngjashëm me atë të paraardhësve tanë, na lejon të mbajmë nën kontroll sheqerin në gjak dhe të eliminojmë yndyrën. Paraardhësit tanë nuk kanë pasur akses të pakufizuar në burimet ushqimore, ndryshe nga sa ndodh sot me efekte negative. Siç shpjegon hulumtimi, dietat perëndimore, të cilat përfshijnë “vakte të ngrëna gjatë gjithë kohës”, kanë një rol shkaktar në zhvillimin e disa sëmundjeve kronike. Gjithashtu, ngrënia e vakteve gjatë ditës rrit 57% rrezikun për obezitet.
Gjithashtu Tim Spector, një lektor i epidemiologjisë gjenetike në King’s College në Londër, ka arritur në pothuajse të njëjtat përfundime. Metoda e humbjes së peshës që ai shpiku përfshin agjërimin për 14 orë në ditë, pas orës 11 të mëngjesit. Ngrënia e mëngjesit disa orë pas zgjimit do të ndihmonte për të humbur 4 deri në 11 kilogramë peshë gjatë disa muajve, falë efikasitetit më të madh të mikrobeve në djegien e ushqimit.
Në këto ditë të nxehta vere jo pak herë dëgjojmë nga miqtë dhe të afërmit tanë se konsumojnë më pak ushqim, ose që nuk dimë se çfarë të hamë. Por ka disa ushqime që do të ishin shumë të këshillueshme në mënyrë që edhe organizmi ynë të mos e ndjente kaq shumë të nxehtin. Frutat kryesore që ju bëjnë mirë janë qershitë, pjeshkët, portokallet, kivi, etj. Këshillohet të konsumoni edhe rrush, pasi ndihmon në rritjen e tensionin të ulët, nëpërmjet acideve të veçanta që ndimojnë personat e moshuar.
