Nëse mendoni se Emily Ratajkowski po e përballon mirë divorcin e saj, na lini t’ju themi që nuk është kështu. Në një intervistë të bërë së fundmi, modelja u shpreh se është e zemëruar, por beson se do të jetë ‘mirë’ pas ndarjes së saj nga bashkëshorti, Sebastian Bear-McClard. Ajo tha për “Harper’s BAZAAR” se:
I ndjej të gjitha emocionet. Ndjej zemërim, dhimbje. Ndjej gëzim. Çdo ditë është e ndryshme. E vetmja gjë e mirë që di është se po i ndjej të gjitha ato gjëra, gjë që është mirë sepse më bën të besoj se do të jem mirë.
Ratajkowski, e cila së fundmi ishte parë duke u shoqëruar me DJ Orazio Rispo, pranoi se ka qenë në disa takime. Duke reflektuar mbi historinë e saj të njohjeve, ylli i “I Feel Pretty” tha se dikur nuk dallonte cilësitë që i pëlqenin tek një partner.
Unë me të vërtetë doja të jem e përzgjedhur. Ishte e vështirë për mua të shkoja në një takim me dikë dhe të mendoja se sa më pëlqente apo nuk më pëlqente. Do të kisha menduar se si po më perceptonin, çfarë do të thoshte, çfarë donin nga unë, çfarë do të thoshte për vetëvlerësimin tim. Tani është me të vërtetë kënaqësi të shkosh në darkë me dikë dhe të thuash: “Mirë. Më pëlqejnë shumë këto pjesë të tyre. Me të vërtetë nuk më pëlqyen këto anë të tjera.
Në intervistë, modelja ruse, që ka një djalë 1-vjeçar Sylvester Apollo Bear me ish-in e saj, tha se të qenit nënë i jepte prioritet asaj që ka rëndësi për të në fund të ditës. Emily vijoi:
Unë kurrë nuk kam pasur prioritete kaq të qarta më parë në jetën time. Numri një është Sly dhe kjo është e gjitha. Kjo më ka bërë të rivlerësoj atë që është e rëndësishme për mua.
