Superylli kolumbian i muzikës pop bëri një hyrje epike në Javën e Modës në Paris të mërkurën, duke marrë pjesë në shfaqjen e Viktor & Rolf Haute Couture e veshur me një pallto të bardhë të zbukuruar me një fjalë të vetme me shkronja gjigante tredimensionale: “JO”. Shumë fansa dyshuan se Shakira po i dërgonte një mesazh ish-partnerit të saj, Gerard Piqué, me të cilin ka dy djem.
Ajo e ka trajtuar “lëndimin” në muzikën e saj dhe së fundmi pretendoi se Pique e “tradhtoi” atë ndërsa babai i saj ishte në spital; Pique, nga ana e tij, ka thënë se është “i lumtur” dhe “nuk kërkon falje” pas ndarjes së çiftit. Një fanse shkroi për daljen e saj në Javën e Modës në Paris:
Ka vite që Shakira nuk merr pjesë në një ngjarje, duket sikur më në fund është liruar nga ai burrë.
Një tjetër ndau një postim në Twitter:
Ndjej se është ajo që ajo do të vishte për të nënshkruar letrat e divorcit dhe për t’u përballur me Gerard.
Por fansat vunë menjëherë re një ngjashmëri midis veshjes së saj dhe Jennifer Lopez, ku kjo e fundit e ka veshur edhe më parë të njëjtin fustan në një nga projektet e saj muzikore. Po ju si mendoni, cilës prej këngëtareve i shkon më mirë kjo veshje?! Ju rikujotjmë se dy artistet latine kanë performuar së bashku për herë të fundit në shfaqjen e madhe të Super Bowl, edhe pse ndjekësit i kanë vënë të dyja në ‘luftë’ me njëra-tjetrën.
View this post on Instagram
