Amber Heard thuhet se vazhdoi me rolin e saj në “Aquaman 2” sepse i dashuri i atëhershëm, Elon Musk, dyshohet se i dërgoi një letër Warner Bros përmes ekipit të tij ligjor. Variety raporton se ish-gruaja e Johnny Depp rrezikohej të hiqej nga pjesa e dytë e filmit superhero pas tensioneve të përfolura me Jason Momoa dhe regjisorin James Wan. Megjithatë, Musk thuhet se ndërhyri për të siguruar rolin e Heard si superheroina Mera.
Një burim me njohuri për ‘betejën në prapaskenë’ i tha gazetës se miliarderi i teknologjisë kërkoi që një nga avokatët e tij t’i dërgonte një letër Warner Bros, duke e kërcënuar se do të digjte shtëpinë nëse e dashura e tij e atëhershme pushohej nga “Aquaman and the Lost Kingdom”. Kjo dyshohet se funksionoi sepse, sipas Variety, Warner Bros “u dorëzua” dhe studioja e filmit në fund “eci përpara” me Heard.
Çështjet e Heard me kolegët e saj në “Aquaman” u bënë temë diskutimi gjatë gjyqit të saj për shpifje me Depp në 2022. Aktorja e “In the Fire” pretendoi gjatë dëshmisë në atë kohë se drejtuesit nuk donin ta përfshinin në vazhdimin e filmit për shkak të dramës me ish-bashkëshortin e saj të famshëm.
Pronari i X, i njohur më parë si Tëitter, besohej se qëndronte pas një dhurimi të madh prej një milion eurosh të bërë në emër të Heard për ta ndihmuar atë të përmbushte zotimin e saj pas divorcit me Depp. Rikujtojmë, se së fundmi Grimes ka paditur ish-partnerin e saj, Elon Musk, për një çështje që përfshin tre fëmijët e tyre. E lindur si Claire Boucher, interpretuesja e “Genesis” paraqiti një peticion për të krijuar marrëdhënie prindërore më 29 shtator në një gjykatë në Kaliforni. Kërkesa synon që gjykata të identifikojë prindërit ligjorë të një fëmije kur ata janë të pamartuar.
