Së fundmi, publikuesi i revistës Vogue, Condé Nast, ka ngritur një padi prej 4 milionë dollarësh kundër reperëve Drake dhe 21 Savage, pasi ata krijuan botime false të Vogue me veten në kopertinë për të promovuar albumin e tyre të ri “Her Loss”. Kopjet me pamje të ligjshme të revistës u bënë virale në mediat sociale, postera të rremë u vendosën në New York dhe u shpërndanë në rrugë në vende si Miami, Atlanta dhe Los Angeles.
Madje Drake, bashkëngjitur imazhit të kopertinës, shkroi në Twitter:
Unë dhe vëllai im nesër në stendat e gazetave!! Faleminderit @voguemagazine dhe Anna Wintour për dashurinë dhe mbështetjen në këtë moment historik.
Sipas padisë, Condé Nast kërkoi që Drake dhe ekipi i tij të ndalonin përdorimin e paautorizuar të markës tregtare Vogue duke hequr postimin nga Instagrami, duke ndërprerë çdo shpërndarje të kësaj ‘reviste’ dhe duke lëshuar një deklaratë publike që sqaronte se kjo nuk ishte një kopertinë e vërtetë e Vogue. Dokumentet e gjykatës vazhdojnë të pretendojnë se Anna Wintour nuk autorizoi përdorimin e imazhit të saj për të promovuar albumin e të pandehurve.
Rikujtojmë, se Drake dhe 21 Savage kanë publikuar albumin e tyre të përbashkët të titulluar “Her Loss”. Albumi u publikua pas një vonese prej një jave për shkak të producentit të Drake, Noah “40” Shebib, i cili u infektua me COVID-19 ndërsa bënte miksimin dhe masterizimin e LP-së me 16 këngë. “Her Loss” është tërësisht i prodhuar nga dyshja dhe përfshin katër këngë solo të Drake dhe një solo nga 21 Savage.
