Sipas kompanisë analitike ‘Counterpoint Research’, tregu evropian i telefonave ka regjistruar së fundmi tremujorin e parë më të keq në pothuajse 10 vjet. Tregu shënoi një rënie prej 12% krahasuar me tre muajt e fundit të një viti më parë. Vetëm 49 milionë telefona u dorëzuan, gjë që dërgoi në tremujorin e parë më të keq që nga viti 2013. Vetëm një nga 5 markat më të mira është rritur, Realme ka dyfishuar pjesën e saj të tregut.
Samsung ka mbetur në krye të prodhuesve kur bëhet fjalë për Evropën. Megjithatë, kompania koreano-jugore regjistroi një rënie prej 16% në dërgesat në krahasim me tremujorin e parë të vitit të kaluar. Nga ana tjetër, Apple ka pasur një rezultat më të mirë në krahasim me të njëjtën periudhë të vitit të kaluar. Kompania nga Cupertino ka pasur një rënie prej 6%.
Thuhet se rezultatet e tilla të tregut u ndikuan nga disa faktorë, stoqet e komponentëve janë ende të ulëta dhe kjo u rëndua më tej nga rimbyllja në Kinë për shkak të pandemisë COVID-19. Ka edhe rritje të inflacionit për shkak të konfliktit në Ukrainë. Analistët mendojnë se situata do të jetë edhe më e keqe gjatë tremujorit të dytë. Konflikti në Ukrainë zvogëloi disponueshmërinë e lëndëve të para, ndërsa vendet në Evropë shënojnë një rritje të mprehtë të kostos së jetesës dhe gjithnjë e më pak njerëz vendosin të blejnë një telefon të ri.
Ndërkaq, rikujtojmë se përdoruesit e WhatsApp që kalojnë në një iPhone nga Androidi tani mund të marrin historikun e mesazheve me vete. Lajmin e ka bërë të ditur, shefi i kompanisë Mark Zuckerberg përmes një postimi në Facebook, teksa specifikoi se kjo veçori ishte shumë e kërkuar. Deri më tani ka qenë i mundur transferimi i të dhënave të WhatsApp-it vetëm nga ana tjetër, nga një iPhone në platformën Android të Google dhe u prezantua vetëm vitin e kaluar.
