Mjekët ushtarakë në Sri Lanka operuan një ushtar në pension dhe hoqën gurin më të madh dhe më të rëndë në veshka në botë. Sipas ushtrisë së Sri Lankës, ish-oficerit, 62 vjeç, iu hoq një gur me peshë 801 gram, që është më shumë se pesë herë pesha e një veshke mesatare mashkullore. I operuari kishte dhimbje për të paktën tre vjet.
Guri i hequr ishte 13.37 centimetra i gjatë dhe veshka mesatare është 10 deri në 12 centimetra. Mjekët kanë publikuar edhe imazhe pas operacionit. Në deklaratën e tyre thuhet:
Guri më i madh dhe më i rëndë në veshka në botë u hoq pas ndërhyrjes kirurgjike më 1 qershor në spitalin ushtarak në Colombo.
Army Doctors Enter @GWR Removing the World’s Largest Kidney Stone at #Army Hospital #Colombo.
More details :- https://t.co/kPRhiXcAbg@bbcsinhala @bbctamil @Dailymirror_SL @WHO @newsdotlk @NewsWireLK @DailyNews_lk @ThinakaranLK @BBCWorld @thamilannews @MoH_SriLanka pic.twitter.com/RIqJia0PUx— Sri Lanka Army (@Sri_Lanka_Army) June 13, 2023
Ky lajm është publikuar pasi madhësia e gurit është futur në Librin e Rekordeve Guinness. Sipas të dhënave nga Guinness, më parë guri më i madh prej 13 centimetrash iu hoq një personi në Indi në vitin 2004, dhe më i rëndë ishte një pakistanez dhe peshonte 620 gram.
