Kris Jenner u ka dhënë fansave një paraqitje të shkurtër të pushimit të saj luksoz italian me të dashurin Corey Gamble. Mamaja 66-vjeçare aktualisht është duke shijuar rrezet e diellit në Bregun e Amalfit të mbushur me yje, vetëm disa javë pasi festoi ditën e dasmës së vajzës së saj Kourtney Kardashian në Portofino.
Kris dhe familja e saj e famshme së fundmi udhëtuan në Itali për të festuar ditën e madhe të Kourtney-t, teksa ajo u martua me bateristin Travis Barker. Por duket se nëna e gjashtë fëmijëve nuk mund të rezistonte për udhëtimin e saj nëpër Mesdhe me partnerin Corey.
Duke postuar në Instagram, Kris ndau një seri fotosh dhe videosh të saj dhe Corey teksa shijonin një përzgjedhje atraksionesh luksoze. Të dielën dyshja kaluan ditën në një jaht prej 45 milionë dollarësh me stilistin Tommy Hilfiger dhe gruan e tij Dee. Duke postuar një foto së bashku me Corey në varkë, Kris shkroi:
Javë e bukur duke lundruar në Bregun e Amalfit me @coreygamble.
Fotoja tregonte çiftin duke pozuar me detin në sfond, me Corey duke përqafuar Kris nga pas. Ylli i realitetit dukej joshës me një fustan rozë, me model abstrakt dhe një shami koke të ngjashme. Ndërkohë, Corey zgjodhi një set dygnjyrësh. Grupi shijoi gjithashtu një darkë dhe pije buzë detit në vendpushimin e plazhit bregdetar, La Scogliera. Përveç koktejeve dhe verërave të ndryshme, Kris zgjodhi një pjatë të shijshme me spageti.
