Fansat e miliarderes Kylie Jenner dhe Timothée Chalamet kanë shprehur shqetësimin se dyshja janë ndarë. Ylli i “The Dune: Part Two” dhe 26-vjeçarja nuk janë parë së bashku në publik që nga janari, duke bërë që disa nga ndjekësit e tyre të besojnë se i kanë dhënë fund lidhjes. Çifti u komentua shumë kur u shfaqën në ceremoninë e 81-të të “Golden Globe Awards” në hotelin Beverly Hilton në fillim të janarit, megjithatë ata nuk janë parë më së bashku që atëherë.
![](https://www.topalbaniaradio.com/v7/wp-content/uploads/2023/09/5d1eef70-efdb-43f2-a9c8-f550330b320a-kyliextimothee.jpg)
Timothée Chalamet dhe Kylie Jenner janë shfaqur gjithmone shumë të dashuruar me njëri-tjetrin në çdo dalje publike të tyren. Por mesa duket familja e Chalamet është e shqetësuar për ndikimin që miliarderja Jenner mund të ketë tek djali i tyre.
Së fundmi Kylie Jenner iu shmang pyetjes për Timothée Chalamet në një intervistë të re për “New York Times” duke shtuar spekulimet se çifti është ndarë. Në intervistë, Kylie u pyet për ndryshimin e stilit të saj dhe nëse epoka e saj e ‘clean girl’ ishte e ndikuar nga Timothée Chalamet. Si përgjigje, Kylie tha:
Nuk e di se si ndihem për këtë. Unë thjesht nuk dua të flas për gjëra personale.
Kylie shtoi gjithashtu se nuk është e interesuar t’i kushtojë vëmendje pyetjeve të fansave rreth stilit të saj personal, duke u frymëzuar nga marrëdhënia e saj me aktorin, pasi ajo po e përqendron vëmendjen tek bizneset e saj.